Ka Archery Club Lad Rymbai East Jaiñtia Hills ynne ka sngi da e sñiawbha ko ya u khoo mar 5 kilo chi yung wa u salah mar chiteiñ kilo chi yung cha kamwa 600 tylli ki manyung kiwa em hapoh ka chnong Lad Rymbai.
Ya ini i saam ya u khoo wa u salah da yahkhmat da u President ka Archery Club u Donush Siangshai wa u General Secretary u Marius Siangshai.
Ha ini i e sñiawbha ya u khoo da pynman ha jar jiar ki dong kiwa kynthup yaka Lad Rymbai Datsimpeiñ, Lad Rymbai B, Lad Rymbai Khliehdupon waka Lad Rymbai Dongwah.
U Donush Siangshai da ong u wa ini i e yarap yaki manyung wa doooh toh kam chibynta wow ya kyrchaan lang para bru kiwa chah kthah na kani ka Lockdown.
