Jowai: Kam ka nongmuna ha kini ki por wa em ka khang chnong namo ka Lockdown pyrchah ya ka khlam u COVID-19, wot ki tre dongka kyntoit leh ye hi ki u e yarap kam ha ini i por wa chem chitom ki khon ka Dong, wei neiliang ka Dong Tuber Wahchnong, Tuber Kmaichnong da chim ko ya ka lyngkor wow yarap ya ki manyung ka dong deiwa saam da u khoo.
Ynne i step chwa wow e ya uni u khoo, da yoh ya ki kyntien waiphang na u Chairman ka Dong, u Jermon Phawa, hadien ini da pynsñiawthooh ya ki paidbah da u Secretary ka Dong, u Helpme Lyngdoh heiwa kammon u yada ya jar jiar i doh i pran iwa emkaam tam ha kini ki por kam wow jngai iwi na iwi.
Da kyntu leh ya ki khon ka dong wow bood ki ya ki kyndon wa da booh ka sorkar neipor cheipor yeiwa da pynbood won sa i klam sneiñ kyntu na u Secretary Chnong Tuber Kmaichnong, u Micky Lyngdoh.
Ya uni u khoo da e yarap da kini hawah:
- Tuber Wahchnong Cultural Club.
- U Chaniah Lyngdoh
- U Graham Lyngdoh
- U Micky Lyngdoh
- U Bino Lyngdoh
- U Lowil Lyngdoh
Ha kani ka sngi da em leh 92 tylli ki manyung hapoh kani ka Dong kiwa da yoh ya uni u khoo.
Discussion about this post