• About Us
  • Contact Us
  • Privacy Policy
  • Advertise With Us
  • Terms & Conditions
Friday, May 9, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home News

Da u phræ hei baam, ka um nei thaw mih bordiñ maad kiwa lai puræ NIT Meghalaya yei kthang

Wyrta Staff by Wyrta Staff
March 17, 2025
Reading Time: 4 mins read
A A
0
Share on FacebookShare on Twitter

Kiwa lai puræ ka National Institute of Technology (NIT) Meghalaya da pynman yakhih ki ynne yow pynsñiaw yei chrai neidaw wym ye u pynbiang yeiwa emkaam ha kani ka Campus wa pura wa thymme wa em ha Sohra.

Hawa pynman yalang hakhmat ka Administration Block, kiwa lai puræ da ong ki wa tang i baam leh ym biang, wym khooid ka soodong sookun kani ka thaw, wym man tista kat iwa toh u pynbiang, ym em leh ka Gym neibynta ki kynthai, i smat sih u WiFi kamjooh ka bordiñ wei i wym biang i rukom chna iwa da wanrah yei pai um hawa joor u slap.

Kini kiwa lai puræ da pynyoo ki ya ki Video wa pai um wei mih um na ki Pipe, iwa em i por wa mih na i thaw wow mih bordiñ namo ki Electrical Socket hapoh kawi ka kamra Hostel wa em 3 ngut ki chynrang wa sah.

Neitæ da em leh i dur wa pynyoo wa u dai wa chet man u uwa phlum kam ka um wei ha iwi i mynchit dakha da chem da u pharæ.

Related posts

Pyrchah ka India yei thmu ka IMF wow e yarap poisa ya ka Pakistan da ki Billion Dollars

May 9, 2025

Sangeh yakhih ka MCTODA | Da e por ya ki karkhana Coke 10 sngi

May 9, 2025

Da pyntip ki wa dadep thoh ki cha u Director hajrong ini tangwa ym em yoh jubab iyi iyi leh kamtæ ym yohsa de khlem da pynman yakhih yow yoh tang ka um wa khooid neibhah ka um leh toh da kawa sma, najrong wa duna leh ki bru wa toh u kreh yow pynkhooid ya kani ka thaw wei kiwa chet baam leh kiwa dukhi ki wym bien u e baam pyntam manda paan ki.

Heiyatoh wa u WiFi won da ong wym jooh hoi u kut wa poi ka sngi Sunday wei ha ki sngi wa man leh toh uwa khlan tkut iwa da ktah yeiwa ye ki u leh heiyatoh waka puræ puthi yong ki.

Kani ka NIT Meghalaya da rah ka na ka Campus warim kawa da chna chipor wa em ha Shillong cha kani kawa thymme kawa da chna pura wei da sdang ko wow krehkaam na kani ka thaw wa thymme nadooh ka 16 tarik u bnai nyngkong uni u snem. Tangwa ini waroh wa maad ki khynnah da ktah ko yei puræ puthi kamjooh i pyrtuid kani ka chlem e sikai kawa man kam ka “Institute of National Importance.”

ShareTweetSendShare
Previous Post

Thadlaskein Football League: Psiah Semi ka Heiboriong I FC wa ka Nongkhroh Rim

Next Post

Yap i khynnah wa 4 snem hadien wa iñ i yung ha Sahsniang

Next Post

Yap i khynnah wa 4 snem hadien wa iñ i yung ha Sahsniang

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar