Da u pseiñ wa mih hapoh ka Train wa lai cha Mumbai

Hadien wa ini wa dep da mih uwi u pseiñ ha Platform ka Rishikesh Railway Station, da poor sa iwi i Video wa pynyoo ya uwi u pseiñ wa em hapoh ka AC Coach ka Train wa lai na Jabalpur, Madhya Pradesh cha Mumbai kawa tip leh kam ka Garib Rath Express Train.

Ya uni u pseiñ da yoh wow riñ Video hapoh kawi ka AC Coach (G3) uwa da kylleiñ ha i thaw ksoh yow ku cha ka thaw thiah wa em haneiñ (Upper Berth). Ki paidbah wa em hapoh ka Train hawa yoo ya uni u pseiñ da yut ki deiwa lai pyntip leh kiwa pynlai ya ka Train.

Ya kiwa em hapoh kani ka Coach da kyrriah ki cha kawi won ka Coach yow lait u jia iyi iyi wei da khang leh ya ka.

Related posts

Da ka e Tuition wa mynkna ya kiwa yaleh SSLC sdang ka NPYF 1-Nartiang kawa tip kam ka 1st Sniawbhalang Dhar Pathfinders Program

October 9, 2025

Mih snaam na chkoor wa ktien | Yap u Kyrshanbor deiwa chitom wa joor, ong ka payu arbei

October 9, 2025

Uni u pseiñ da yoo lakam wa thooh thaw yut u deiwa psiah lyngba ka AC wei da yoo nyngkong ya uni u pseiñ chwa wow poi ha Kasara Railway Station.

Kiwa pynlai ya ka Train da ong ki wym em kiwon kiwon kiwa mynsoo wei da ye wow sai ya uni u pseiñ tangwa kiwa lai luti da pynsñiaw ki yei sñiawkhia wa jia ini.