Ha iwi i jia wa pynkhyrngiat ya kiwa boon, uwi u Monk na ka Inthem Buddhist Monastery ha Margherita, Dibrugarh District, Assam da chah tynyap u hapoh ka Monastery ha kamra thiah u.
Katkam ka khubor wa da yoh, da ong wa ha i miet ka 22 tarik da em u bru wym tipmit uwa da psiah ha kani ka Monastery wei da thlieh u ya uni u Monk uwa tip kam u Indrabangsha Bhikkhu (55 snem) da u sdai hadooh wa yap u.
Ini i chah tynyap u Monk hapoh ka Monastery kawa jai-jai da wanrah ko yei tieñsar ha kiwa boon.
Neiliang ki pulit da Register ki ya ka Case wei i takit dang man iwa lai chaphrang heiwa ya uni u sdai wa pynemkaam da chem pyn hajan ka palong uni u Monk.
Yei metyap da chem nyngkong da kiwa sahlang ha kani ka thaw heipor wa wan e ja ki ya oo ha kamra thiah u wei man u leh kam u Chief Monk kani ka Monastery.
Discussion about this post