Jowai: Ha ka 25 tarik uni u bnai ki paidbah ka chnong Tuber Kmaichnong da iwi i yumut da rai ki wow pynyakhun biang ya u Wanthmu Phawa ha ka Election MDC wow man ha ka 2019.
Ha kani ka sngi da em hadooh 3 ngut kiwa ya thap pyrtuid wa kynthup ya u Commanderful Sana, u Skon Dkhar wa u Wanthmu Phawa, katwa ki paidbah da ya hunlang ki u pynyaleh bait da u Wanthmu.
I rukom jied kyrtong ha kani ka sngi toh da ka thap Vote (Secret Ballot) kawa da pynlai bait da ka Election Committee kawa heiwa u Jiedlang Sana da man u kam u Chairman ka Committee wa u Training Phawa kam u Secretary, chirup lang wa ka dorbar chnong hi.
Discussion about this post