Da u Winnerson Sangma u pynyakhun ka Congress neibynta ka chuki u Lamphang

Shillong: Ka Congress daw pynyakhun ko neibynta chuki Lamphang da u MLA u Winnerson D. Sangma katwa ka liang synchaar ka Meghalaya Democratic Alliance (MDA) da pynyieñ ko da u Dr. Donkupar Roy.

I thap pyrtuid neibynta ka election kam u Lamphang toh ynne ka sngi kamjooh leh wow bichaar bniah ya ki kot ki sla katwa ka 9 tarik won wow ran dien.

Ka election ya ka chuki Lamphang u man ko ha ka 12 tarik uni u bnai.

Hawa yaklam wa u montri rangbah warim ka jylla uwa man uwa yahkhmat ka Congress u Dr. Mukul Sangma, da ong u wa ym e wow em wow jop suk ya kani ka chuki.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Katwa u Conrad K Sangma uwa man leh u Montri Rangbah da ong u wa ka liangsynchaar da pynkhreh ko kamwa da pynbait da u Dr. Donkupar Roy wow yakhun.

Da ong u wa hadooh ynne ympu tip lada ka liang pyrchah daw randien ko nei yakhun ya kani ka chuki.

Ka liang synchaar em ko 35 ngut ki MLA, wa kynthup ya 19 ngut na ka NPP, 6 ngut na ka UDP, 4 na ka PDF, mar 2 ngut na ka HSPDP wa BJP, uwi na NCP wa uwi u Independent. Katwa ka liangpyrchah em ko 22 ngut, wa kynthup 20 ka Congress, tangwa ympu tip ya 2 ngut ki MLA samen u Lambor Malngiang wa u SK Sun wa u MLA ka KHNAM u Adelbert Nongrum ympu tip yeiyi u kyrchaan ki.