Hadien wa chah khang ka SBI Mynso Branch ha ka KSU Jowai Circle ha ka 24 tarik uni u bnai, ki bru ka SBI da wan ki wow yachem ya ka seiñ yow wai noh ya kani ka chnat ka Bank.
Ha ini i yaklam, neiliang u Major Henry uwa man u Security Manager yong ka SBI, Meghalaya da kular u wow pynbiang katwa ye ya katni chooh yeiwa da dawa ki paidbah ha ka chnong Phramer. Da pyntip u leh wa neiliang yong ka SBI da wan ki wow pyndait ya ka kor wow chon ya ki Passbook wei da booh leh ya kani ka kor (Printer) ha kawi ha Counter wei lada jia wa kammon kammon wa sih ko, daw wan booh sa kawi ka kor ha Counter lada jia wa dang dawa ka Bank.
Daw booh bru wakreh leh neibhah wa ha katai Bank dang em du uwi wow leh ya ini i kaam.
Heiyatoh wa ka ATM, da ong wa ini toh i kaam wa chimpor neibhah ka kor toh kawa wan na baar ri.
Hawa lai pynsakhiat ka KSU, da chem wa da dep sakhiat wow booh ya ka kor chon Passbook wei da pyntikna wa krehkaam ko da u Branch Manager uwa da pynyoo ya ini.
Ha ini i lai wow pait da synraan lang da u Waheh Chnong yong ka Phramer wa ki dkhot yong ka KSU Jowai Circle kiwa kynthup ya u President u Ioannis Suchiang, General Secretary u Phraki Thubru, u Vice President ka Jowai Circle u Ewanmi Phawa wa kiwi de.
