Ynne ka sngi da man ko kawa sahkynmoo ya ki paidbah heiwa da yoh biang u wai ya ka yaaw Barato hadien 20 snem pura.
Ya kani ka yaaw da wan wow wai da u MDC ka thaaiñ, u Aiborlang Shadap deiwa emlang u President ka Synjuk Waheh Chnong Ri Jaiñtia, u A. Lypon deiwa sakhi lang ki waheh chnong na waroh soodong ka chnong wa kynthup ya u waheh chnong ka Raliang, u Sanki Lamare, u waheh chnong ka Mukroh, u Kitlang Maskut deilang ki paidbah wa boon.
Kani ka yaaw toh kawa da em nadooh ki por ka Assam chwa wow mih ka jylla Meghalaya tangwa da wiar ko na ki daw wa boon wei da jooh pynlai ka da ka District Council tangwa e kti won cha ka Niam Puja wow pynlai ka.
Kani ka yaaw jooh man ko kawi na ki yaaw wa heh wa em ha kani ka thaaiñ deilang ka yaaw Raliang waka yaaw Mynsoo wei kiwa na Jowai leh dang wan yaaw ki cha Barato nachwa.
I wai ya kani ka yaaw da pynkmen ko ya paidbah wa boon kiwa da kmen da risa hadien wa wai ya ka.
Ka sngi pynman yaaw toh ha man ka sngi Saturday tangwa nachwa jooh pynman ha ka sngi Thymbleiñ wei da leh yeini yow lait u tyngkhooh sngi wa kiwi ki yaaw wa da em katni.
Discussion about this post