Ya ka Rangthong PHC da wai biang yaka ynne ka sngi hadien 6 sngi wa da khang yaka hadien wa em uwi uwa yoh COVID-19 da wan u cha kani ka PHC.
Ka DC ka South West Khasi Hills da pyntip ko wa ya ki Doctor kamjooh ki wakreh ka PHC da leh ki yaka Quarantine kamjooh yaka Test wei yaka PHC da dep wow pynkhooid yaka.
Da ong chooh chooh ko wa yow lait i thut wow e chakri hei sumaar sukher yaki paidbah ka thaaiñ, da booh ya u Medical Officer, ka Staff Nurse, Pharmacist, ka wakreh (Multipurpose Health Worker) wa 1 Grade 4 Staff kiwa da booh wow kreh ki chipor kiwa da wan na kiwi ki thaw katwa ki warkeh kani ka PHC dang pyndep ki yaka Quarantine yong ki.
Ka DC da ong ko leh wa ki paidbah ym hoi u dooh ki yeiwa emkaam ki heiyatoh wa i chait i khiah khamtam yaki manbei wa ki khynnah. Kamtæ ki ASHA waki AWW kiwa lai e yarap yaki manbei wa punkhon, kiwa e leh yaki dawai tika u pteiñ hi ki.
Da kyntu yaki paidbah kiwa em hapoh i piat kani ka PHC wow wan hi ki chakhmat wei ym toh u tieñ ki.
Da pyntip leh wa ka sorkar daw booh biang ko ya ki Doctor kiwa krehkaam pura ha kani ka PHC.
Ka DC da pynkut ko deiwa ong wa emkaam wow man i kiwa tip kammon wow yada na u COVID-19, tangwa ym toh leh wow mylliñ yei emkaam kiwa punkhon, ki khynnah, kiwa chitom wa kiwa da heh rta.
