Ka sorkar Meghalaya ynne ka sngi da pynbna ko wa da wai biang wow ksoh (Book) yei thaw chim tika COVID-19 neibynta ki 18-44 snem i rta iwa daw sdang biang nadooh 17 hadooh 23 tarik uni u bnai.
Yow Book yei thaw chim tika, da chah wow leh nadooh 12:00 waje pyrdi sngi ynne ka 16 tarik deiwa lai ha ka website www.cowin.gov.in.
Yow ye u Book, hap wow Register chwa iwa ye u leh pyn ha kani ka Website wei hadien itæ da ye wow Book yei thaw chim tika iwa man waroh dei leh Online donhi wei ym chah wow lai pynpsiah pyrtuid hei thaw wa e tika.
Ki thaw e tika neibynta ka 17-23 tarik man ki kamni ha wah wei kiwa boon toh kiwa em 100 tylli i thaw wa lait namo ki Slot ha ka chi sngi wow e tika.
Hadooh wa pynmih ya kani ka khubor, ki Slot waroh wa em hapoh East Khasi Hills da dap lut ki du hapoh chiteiñ kynta wei cha kiwi ki District man kiwa da jan dap lut.
