U Deputy Commissioner ka Eastern West Khasi Hills District, Mairang, u W. Nongsiej ynne ka sngi da wai paidbah u ya ki ar tylli ki dukan dai dakha ya kiwa kiwa da chna na ka Scheme yong ka sorkar pyrdi wei ya kiwa da e pyrtuid “Blue Revolution 2018-19” ha ka yalang wai wa man ha yung krehkaam ka Fishery Officer, Eastern West Khasi Hills District, Mairang ha Iew Langstieh, Mairang hei sakhi u Syiem ka Hima Nongkhlaw, u Pa’iem P.M. Syiemlieh, ki Montri yong ka Hima, ki waheh ka chnong, u Superintendent of Fisheries ka West Khasi Hills District, u E.R. Laloo, ka Fishery Officer ka Eastern West Khasi Hills District, ka J.L. Nonglait, kiwa psan dakha ka thaaiñ wa kiwi kiwi.
Ha ka yalang, u W. Nongsiej da ong u wa ya kani ka Project kawa da pynkrehkaam da ka chnat ri dahkha ka jylla lyngba ka scheme “Blue Revolution”, da pyndep ha i lut wa T. 10 lak kawi ka dukan, T. 6 lak lyngba ka Subsidy katwa T. 4 lak won na kiwa yoh ya ka Scheme.
Da ong u wa lyngba kani ka Project hajrong wa chna ya kini ki dukan, da yoh leh ya ki kor kiwa kynthup ya ki Refrigerator wa ki tiar wa pynemkaam hawa ah dakha.
Chooh chooh da ong leh wa i wai paidbah ya kani ka Project ha kani ka sngi toh wow wailad ya kiwa psan dakha wow wanrah wei wow dai ki ya ki dakha yong ki heini.
Kiwi kiwa klam ha kani ka sngi kynthup ki ya u Syiem ka Hima Nongkhlaw, u Pa’iem P.M. Syiemlieh, u Syiem Khynnah yong ka Hima, u Pa’iem K.M. Syiemlieh wa ka J.L. Nonglait.
