Kawi na ki dukan baam wa pawnaam ka pyrthai kawa tip kam ka KFC, da wai ko ya ka chnat wa nyngkong yong ka ha Ri-loom Jaiñtia ynne ha Lumpariat, Jowai wei da man ko kawa soo hapoh ka jylla Meghalaya hadien wa da wai ha Police Bazar, Laitumkhrah wa ha Nongmynsong.
Ya kani ka dukan ka KFC da wai paidbah yaka ynne ka sngi da u Pastor Samkor Da-oo Mynso hei emlang u Pastor D. Lyngdoh kiwa da duwai pynkyntang leh ya kani ka dukan yow man kawa lai yaaw wei pynhun leh yaki paidbah wa wan baam ha ka.
Neitæ da emlang leh ki waheh wasian ka Lumpariat, kiwa chah khut sñiawbha kam u Andrew Shullai, MDC ka Jowai Central, u W.G. Sungoh, MDC ka Mowkaiaw wa kiwi de.
Kani ka dukan KFC ha Jowai em ko ha laad Lumpariat mar pyrchah ka yung krehkam ka DSEO, wei i ye u wai ya kani ka dukan ha Jowai daw pynsuk ko yaki paidbah ka thaaiñ wa jooh ka-it lai baam KFC chadooh cha Shillong.
Discussion about this post