Jowai: Ynne ka sngi hapyrdi u slap ka la-ær, da wai paidbah ya ka Jacob Syngkon Training Centre wa ya ka Rishot Play School yong ka Chnong Madankynsaw-Mowkyndeng ya kiwa da chna dei kyrchaan yong kiwa chong chnong khlem i yoh yarap na ki Scheme sorkar.
Ya kini ki thaw da wai paidbah da u C. Ymbon uwa man u montri ka sorkar jylla hei emlang u EE ka PHE (Electrical) Jowai Division u Paul Synnah, ki EM ka Dorbar Chnong, kiwa yahkhmat ka SHG kamjooh yong ka chnong.
U C. Ymbon hei klam da yaroh u yei chynna jngai ka dorbar chnong wei da kular u leh wow kreh lang ryngkat wa kiwa pyllai chnong neibynta wow pyntoh pynbiang ya kini ar tylli ki yung deiwa kyntu leh wow lai mih cha ki yung krehkaam waphær waphær kam cha ki Labour Department, Fishery wa kiwi kiwi.
Neiliang won u sahep P. Synnah da e khublei kyrpang u ya ka chnong hi waroh kawi deiwa ong leh wa kini ki ar tylli ki yung man ki kiwa emkaam bha ha ka juk wa katni.
U Danny Shadap, Waheh Chnong da batai paidbah u ya i thmu yong kini ki yung, heiwa ka Training Centre em ko ka thong wow pynkup bor ya ki khon khynroo yong ka chnong (Youth Empowerment) lyngba ki sap ki phong waphær waphær (Skill development) kamjooh leh ki esikai wa ha rukom hapoh ka chnong.
Kani Play School won mut ko u pynmlien namo u pynjooh pynjan ya ki khon khian ka chnong chwa wow sdang ki u lai skur.
Ha kani ka sngi da e ya ki kyntien pdiang burom da u khynroo Bud Rimanki Chympa katwa ya ki kyntien khublei da e da u Stalbinus Dkhar.
Discussion about this post