Shillong: Ka Post Graduate Building yong ka Synod College, Shillong da wai ya ka ynne da u montri rangbah ka jylla, u Conrad K Sangma hei emlang u montri ka kaam pohyung, u James P K Sangma, u montri ka khayi pateiñ wa karkhana (Commerce and Industries) u Sniawbhalang Dhar, u Principal kani ka thaw puræ u Dr. D. Wanswett, kiwa sikai wa ki khynnah kani ka College.
U Conrad hawa e i klam da khana u yei yajan u wa kani ka thaw puræ deiwa e yaroh ya ki kaam wa bha wa da leh ko ha kini ki snem wa da lai hadooh wa poi ko ha kani ka kyrdan.
Da ong u wa ka sorkar jylla kheiñkor ko yei puræ puthi wei em chiboon i eh i khoo ha kani ka bynta, wei emkaam wow yakrehlang kiwa pynlai wa ka sorkar, kiwa mihkhmat, kiwa sikai wa kiwi kiwi khnang wow ye i stat i tip iwa pura cha ki khynnah.
Da pynsñiaw u leh yei yooluti wa ka Synod College u pteiñ ko u e i chakri cha ki khynnah wa ka jylla waroh kawi.
Discussion about this post