Da wai ya ka 1st Phase ka Meghalaya Biological Park kawa dang em boon kiwa daw hap u pyndep u chna

U Montri Rangbah ka jylla, u Conrad K Sangma, ynne da wai u ya ka 1st Phase ka Meghalaya Biological Park wa em ha Umtrew, Ri-Bhoi District.

U Conrad hawa e yei klam da ong u wa sñiawkmen u wa dadep ya kani ka 1st Phase ka Meghalaya Biological Park kawa da chimpor hadooh 24 snem nadooh wa pyrkhat wow chna ya ka na ki daw wa boon wa hap wow jop tangwa dang emkaam wow pyndep ya kiwi kiwa boon yow man ko kawa krehkaam pura.

Da ong u leh wa kani ka sorkar toh kawa kreh chitom wow pyndep ya ki kreh kiwa da sahkut da slem yow pynlai ya ka jylla chakhmat.

Heiyatoh wa kani ka Biological Park da pyntip u wa dang emkaam u chna pyndep ya ki Ticket Counter, ki dukan dai baam, ki dukan dai tiar wei ki thaw booh ya ki mrad leh toh kiwa emkaam wow pyndep deiwa yooluti u wa kani ka thaw daw yarap ko ya ki khynroo khyllood kiwa em i mynsien neibynta ki mrad ki mreng kamjooh ka bei ramaw.

Related posts

Chah tim u heh warim ka sorkar Bangladesh ha New York Airport

October 13, 2026

Da wai ya ka Meghalayan Age Pavilion ha Ward’s Lake yow kyrchaan ya kiwa seiñ khih ka wow man leh ka rynsan ya kiwa em yei sap i tap wa boon jait

October 13, 2026

Chooh chooh da khana u wa kani ka thaw u man ko leh neibynta ki mrad kiwa yoh u pynlait im kamjooh ki wym ye de u uiñ chapoh ki khloo ki kjam.