Da wai ya ka 22.5 MW Ganol Hydro Power Project kawa T. 560 Klur

U Montri Rangbah ka jylla u Conrad K. Sangma ynne da wai u ya ka 22.5 MW Ganol Hydro Power Project, hajan Tura, West Garo Hills hei emlang u Symbood Montri Rangbah ka jylla u Prestone Tyngsong wa u Montri ka chnat i chait i khiah u James K. Sangma.

U Conrad hawa e yei klam da ong u wa kani toh ka sngi wow sahkynmoo ya ka Ri-loom Garo neibhah ini i kreh toh iwa chongdor hadooh T. 560 Klur wei da ye wow pyndep nei kreh chitom kani ka sorkar jylla yow man ka Ri-loom Garo kam ka thaw pynmih bordiñ. 

Da yaroh u ya u James K. Sangma, uwa heiwa heipor yong oo kam u Montri ka chnat Bordiñ da ye u pynkhai im biang ya i kreh iwa da sahteiñ wei da ye wow wai ynne. 

Da ong u wa ka Ganol Project toh kawa da chah ieh, wei ka sorkar hap pynlut poisa ko na ka hi neibynta ini wei ha u 2018 manda chimkti ya kani, ka sorkar da thooh ko ki laad ki luti wow sdang biang ya i kreh ya iwa da booh mooyurim nadooh u 2014.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Chooh chooh da ong u wa deiwa pyndep ya kani ka Project daw ye u pyndap yeiwa emkaam bordiñ ha ka Ri-loom Garo.

Katkam wa man katni ka jylla emkaam ko hadooh 380 MW ka bordiñ. 

u Conrad da e khublei u leh ya u Symbood Montri Rangbah uwa man leh u Montri ka chnat bordiñ, u Prestone Tynsong wa waroh kiwa kreh ha kani ka chnat wa da ye u pyndep ya kani ka Project hapoh i por. 

Ka Ganol Hydroelectric Project daw pynemkaam ko ya ka um na ka wah Ganol hajan Tura wei da pyndait ya ki 3 tylli ki Turbine-Generator Units wa 7.5 MW kawi heiwa kawi u pynemkaam nadooh ynne katwa kiwi ki ar tylli won ha ki bnai wow wan.

Ka Meghalaya Power Generation Corporation chirup wa ka karkhana Patel Engineering Ltd., Mumbai kam ka Contractor wa ka Civil & HM Contractor Onycon Infra LLP, Mumbai wa ka E&M Contractor Toshiba Plant Systems & Services Corporation, Japan da krehlang ki wow pyndep ya kani ka Project. 

Ka Ganol Hydro Project toh kawa rap phær na kiwi neibhah daw em ka Diversion Tunnel, Dam, Power Intake, Head Race Tunnel, Surge Shaft, Upper Horizontal, Vertical wa ka Lower Horizontal Pressure Shafts wei sa ka Power House wa ka Switch Yard.