Da wai ya ka Amrit Pharmacy ha Civil Hospital Shillong hajrong i thmu wow dai ya ki dawai wa ki tiar hei dor wa duna

Shillong: Ka Civil Hospital Shillong ynne ka sngi da yoh ko ya ka Affordable Medicines and Reliable Implants for Treatment (Amrit) Pharmacy kawa man ka Pharmacy sorkar kawa dai ya ki dawai dachin hadooh ki tiar ki tar wa emkaam kiwa chitom heidor wa duna na ki dor yaaw.

Kani ka Amrit Pharmacy toh kawa 103 hapoh ka ri wei da wai ya ka da ka Montri ka tnat i chait i khiah ka Roshan Warjri.

Ka Montri da yaroh ko ya ini wa leh ka sorkar India wow booh ya kini ki Amrit Pharmacy ha ki Hospital sorkar ki wow yarap bha ya kiwa dooh wa duk neibhah em ki bru da dam ki u wan cha hospital wow chah sumaar ki hadien wym dap poisa de ki u thied dawai.

Da sñiawkmen ko leh wa ha kani ka Pharmacy u dai ki ya ki dawai kiwa kjut klongsnaam kamjooh ki tiar wow pyndait yow yarap ya kiwa chitom wei u dai leh ya ki dawai kjut Cancer. Da pyntip leh daw booh sa kawi kam kani ka Pharmacy ha Ganesh Das Maternal and Child Health Hospital wa kiwi ki Hospital Sorkar wa em hapoh ka jylla.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U Mission Director ka NHM u H M Shangpliang da pyntip u leh waka sorkar daw krehlang ko wa kani ka Pharmacy heiwa ki paidbah daw ye ki u pynemkaam ya ka Meghalaya Health Insurance Scheme (MIHS) heipor wa thied dawai ki na ka.

Ya kani ka Amrit da pyllai da ka Company sorkar wa tip kam ka HLL Lifecare Ltd (HLL).