Ynne ka sngi da man ko ka sngi wow sahkynmoo heiwa da yoh u wai ya ka Blood Storage Centre hapoh East Jaiñtia Hills ha ka yalang wa tbian ha 100-Bedded Hospital, Khliehriat.
Ha ka yalang da yoh ya ki kyntien pdiang burom na ka Dr. B. Khongai M&HO, In-charge Khliehriat CHC wei u Dr. D. Shylla, District Medical & Health Officer, East Jaiñtia Hills District da man u kam u kongsan katwa ka Dr. P. Shylla, In-charge Blood Bank, Jowai, da man ko kam ka symbood kongsan hei emlang u Dr. C.S. Bareh, Sr. M&HO, In-charge Blood Storage Centre, wa ka T. Suna, Assistant Nursing Superintendent, 100-bedded Hospital Khliehriat.
Neiliang u Dr. D Shylla da pyntip u wa kani ka Blood Storage Unit ha kani ka thaw sumaar daw pynmyntoi bha ko ya ki paidbah ka District heiwa da pynchlur ya kiwa kreh wow chimbynta ha i e snaam monsñiawbha.
Ka Dr. P. Shylla, wa u Dr. C. S. Bareh, da pynchlur ki wow e snaam heiwa da khana ki leh ya ki rukom krehkaam heipor wa esnaam i wow yarap ya kiwi tawon ki bru.
Da pynkut ya ka yalang da ki kyntien ekhublei na ka T. Suna.
Hadien ka yalang da pynman ya ka e snaam sñiawbha namo ka Blood Donation Camp heiwa da em hadooh kamwa 11 ngut kiwa da wan chaphrang wow e naam.
