Ka chnong Jalyiah wa em ha East Jaiñtia Hills District, ha ka 3 tarik uni u bnai da yoh ko ya ka Bokashi Unit wa nyngkong dooh kawa man leh kawa nyngkong dooh hapoh ka District wa da wan wai da u DC, u Shivansh Awasthi.
Kani ka man ko kam ki trep ri sniang ri syiar wei kam ka yung chna baam ya ki syiar wa ki sniang.
Ya kani da chna hei dor wa Rs. 5,20,000 heiwa Rs. 4,50,000 da pynlut da ka MLAMP MBMA wa Rs. 70,000 won da e da ka Jalyiah IVCS.
Kani ka rukom ri mrad toh kawa da sdang nyngkong ha ri Japan ha ki snem 1980 wei ka rukom ri man ko kawa khooid wei ki trep sniang trep syiar ym tngit wei ym sma ki kamwa man ha kiwi ki thaw.
U DC hawa e yei klam da ong u deiwa wai ya kani ka Bokashi Unit daw e mynsien ya ki dkhot yong ka Jalyiah IVCS yow lai ki chakhmat yeini i kaam wow e myntoi wei kawa daw pynyoh nong ya ki. Da ong chooh chooh u wa ini man ko du i sdang wei kyrmen skem u wa lyngba kani ka Unit wa khian daw ye chooh chooh ko wow pynku ya ka kaam ri mrad wei kawa ye leh wow pyndap yei emkaam doh sniang doh syiar ha ka chnong yong ki wei kamjooh leh yow ye u dai cha kiwi won ki chnong wa ki yaaw hapoh ka District.
Da pynchlur u leh wow chim kabu ya ki laad yarap wa yoh na ki chnat sorkar waphær waphær yow man ki kiwa ya krehlang khnang yow ye chooh chooh wow pynku ya ka yoh ka kot yong ka chnong ha waroh ki liang.
Da ya emlang ha kani ka sngi wa u Dr. T. Shylla, BDO Khliehriat C&RD Block, ka Pynhunlang War, DPM DPMU MLAMP EJHD, kiwa kreh ka DPMU MLAMP EJHD, u President, u Secretary, u Manager wa ki dkhot yong ka Jalyiah IVCS.
Discussion about this post