Da wai ya ka Bottling Plant ka Pepsi ha Garo Hills kawa heh dooh ha North East

U Montri Rangbah ka jylla, u Conrad K Sangma ynne da wai u ya ka Bottling Plant wa heh dooh ha ka thaaiñ North East wa em ha Mendipathar, North Garo Hills kawa man ka yong ka Varun Beverages Limited (PepsiCo) kawa da chna hei thaw wa heh 37 Acre ha Mendipathar Industrial Area heiwa da pynlut Rs. 340 klur wow chna ka.

U Conrad hawa e yei klam da ong u wa kani ka karkhana da man ko i kyrkhu ya kiwa chong chnong ka thaaiñ kiwa daw yoh kreh wei man ko leh kam ka dak wa pynyoo ya ka roi ka paar neibhah wym em poi pyrkhat wow em kam kani pyn ha Mendipathar.

Da kdaw u leh wa ya kani ka Mendipathar Industrial Area da pyrkhat wow wanrah ka ha ki snem 1990 tangwa palat 30 snem ym em ye wow pynmankaam ka heiwa kawi leh ka karkhana ym em wa yieñ wei da man ko leh ka thong u (L) P.A. Sangma neibynta ka Mendipathar ka wow man kam ka kor i roi i paar ka Garo Hills.

Da e khublei u leh ya u Nokma kamjooh ki paidbah ka Mendipathar kiwa da e sñiawbha ya ini i thaw wow booh ya kani ka Industrial Area 30 snem nachwa.

Related posts

Phah ka HC wow pait lada ye wow em ka thaw tlep-bru wow pynemkaam yonglang ki Balang Christan

July 31, 2025

Na khlieh siat ya ki 3 ngut ki Terrorist wa emkti ha Pahalgam

July 31, 2025

“Kani ka karkhana daw emkaam ko aw jan 500 ngut kiwa kreh wei daw pynmih ko ya kiwa boon ki mar ka PepsiCo najrong wa daw wanrah ko ka laad ka kabu ya kiwi wow chna thaw sah wei wow sdang kiwi de ki khih ki khan,” da ong u Conrad.

Da pyntip leh wa i chna ya kani ka karkhana da chimpor 11 bnai wei kani ka Varun Beverages Limited toh kawa krehkaam ha kyllieñ ka Asia wa Africa.