Da wai ya ka DEIC ka wow sumaar ya ki khynnah nadooh wa dang kha

Shillong: U Additional Chief Secretary ka sorkar Meghalaya, u P.W. Ingty ynne ka sngi da wai u ya ka District Early Intervention Centre (DEIC) ha Ganesh Das Government Maternal & Child Health Hospital, Shillong hei emlang u Secretary ka sorkar Meghalaya, yong ka tnat Health & Family Welfare Department cum Mission Director, NHM, u Pravin Bakshi, u Director of Health Services (MCH&FW), Dr. R. M. Lamare, Director of Health Services (R), Dr. B. Mawthoh, Director of Health Services (MI), Dr. T. Wahlang wa kiwi kiwi.

Hawa klam ynne ka sngi u P. W. Ingty da ong u ka DEIC toh kawa da sdang da ka Ministry of Health & Family Welfare ka sorkar pyrdi wow sumaar ya ki khynnah nadooh wa dang kha hadooh wa dap ki 18 snem i rta wei wow pait yei kjut i chitom ki wa i duna hei doh i pran ki.

Ka DEIC ha Ganesh Das Government Maternal & Child Health Hospital, Shillong, da em leh ka DEIC wa krehkaam ha ar tylli ki District ka jylla, kitæ toh ha Jowai Civil Hospital, West Jaiñtia Hills District wa ha District Maternity & Child Hospital, Tura, West Garo Hills District.