U Secretary ka NEC, u Moses Chalai, IAS ynnin ka sngi da wan wai u ya ka Digital Design Labs for Livelihood Generation kawa em ha Don Bosco Technical School, Shillong deiwa emlang ka Sherry Lalthangzo, Economic Adviser (E&M), NEC, u S. Sundar, MD, AMTRON, Guwahati, u Fr. Sagi Stephan ka Don Bosco Technical School, Shillong, u TanungJamoh, Director (S&T), NEC, ALIMCO deilang wa kiwi de ki sahep ka NEC.
Kani ka Digital Design Lab toh kawa da kyrchaan poisa da ka ACC Institute, Senapati, Manipur wei i thong ko toh wow e sikai wow leh Graphic Designing wa Animation deiwa pynemkaam da ki Software wa syad dor bha.
Hadien won, kani ka Lab daw ye ko leh wow leh ya ka 3D Printing, ki 5G Application, u pynkhreh ya ki Digital Designing wow e Training/Instructional Video/3D Animation ha ki ktien wa pynemkaam ha Northeast.
Neiliang u Leihaothabam Johnson Sharma uwa man kam uwa e sika wei uwa da bna naam kam u Digital Designer uwa da embynta ha kiwa boon ki phlim Hollywood, Bollywood wa ki TV Programme uwa katni da pynlut yei por u wow e sikai ‘Digital Learning’ ha kiwa boon ki thaw puræ kiwa em cha baar ri leh kamjooh, da khana u ya ki laad yoh kreh neibynta ki khynroo ka thaaiñ Northeast.
Kam wow pynkynmoo wa ka NEC deilang waka Ministry of Information and Broadcasting da sdang ki ya ka e sikai nadooh uni u bnai hajrong ka 3D Animation neibynta ki 100 ngut ki khynroo ka Northeast ha Delhi.
Da booh thong leh wa ha kini ki sngi wow wan, ka NEC adeilang waka Ministry of DoNER waka AMTRON daw sdang ki ya ka 3D Printing Project ha ki 8 tylli ki jylla ka Northeast.
Deilang waka AMTRON, ka NEC daw sdang ko leh ya ka 5G Applications Training ha kini ki 8 tylli ki jylla ka Northeast kiwa daw sdang ha kini ki ar-le bnai wow wan yow wai laad u yoh kreh ha ki kaam wa yatoh wa ka 5G kawa da krehkaam hapoh ka ri katni.
Puræ leh: Ka e sikai 3D Animation neibynta ki khynroo ka thaaiñ Northeast
