Jowai: Kam chibynta wow pynsuk yei emkaam ki paidbah ha kiwa boon rukom, ynne ka sngi da wai noh ya kawi ka dukan watip kam ka Udyog Mitra Kendra, wa em ha Loomsooyung, Newhill Jowai hajan ka HDFC Bank, Jowai Branch.
Kani ka dukan toh kawa mantre da u Marjanki Ferrando Hadem, heiwa lyngba yong ka daw ye ko u e chakri hadooh palat 230 tylli ki jait kaam wei i e chakri toh lyngba Online donhi wa kynthup kam ya kiwa kwah u seiñ khih seiñ khan, wow leh ya ki Insurance wa boonjait, wow Register næ file GST, i kaam hei yatoh wa ka Bank, ka Education, ki jait Registration wa boonjait, ka E-Commerce, E-Governance, Health and Pharma, Software & Security, ki Government Scheme wa kiwi kiwi.
U Marjanki hawa e yei klam da ong u wa ha kani ka thaw ye u e chakri wei wow pynsuk ya ki paidbah bar u lai ki cha ki yung krehkaam waphær waphær, wei wa man ko leh chibynta wow e khih e kreh ya ki khon khynroo khyllood kam ha kini ki sngi wa duna i yoh khih yoh kreh.
Ya kani ka dukan da wan wow wai da u waheh chnong ka Newhill u S. Nongbri hei emlang ki katu katni ngut ki waheh ka dorbar chnong, wa kiwi kiwi.
Neiliang u waheh chnong kamjooh leh ki dkhot ka dorbar chnong hawa e yei klam da yooluti ki wa kani ka dukan u man sakhiat ko kawa ye u chakri ya kiwa boon ki khon khynroo khyllood kamjooh leh ki paidbah ka ri-loom Jaiñtia. Heijooh i por leh da kyntu ki wow man ki kiwa skem yumut wei wow ngait ha u Blai lada tyngkhooh ki wa iwon iwon i eh i khoo.
Chwa wow wai ya kani ka dukan da wan kyrkhu leh ya ka da u Fr. Hilarius Lamare, uwa man leh kam u Parish Priest yong ka Jowai Parish.
Discussion about this post