Da wai ya ka Dulong Evening School

Jowai : Da wai ya ka skur miet næ ka Evening School yong ka Dorbar Chnong Dulong da u ma S.K. Lato hei ya emlang u ma Moonlight Pariat MDC ka JHADC, u Doloi wa chi por ka Elaka Jowai u ma Puramon Kynjing, chirup wa ki dkhot ka Governing Body yong ka tai ka skur miet (Evening School), ki khynnah skur, ki nongsikai, ki nongchong chnong wa kiwi kiwi kiwa da chah khut sniawbha.

Ha ka yalang wai pynem warom ya katai ka skur da pynlai da u ma S. Lato uwa man leh u Chairman yong ka tai ka skur. Ya i ngooh Blai da yoh na ka kong Hima Lakiang.

U waheh chnong ka Dulong, u ma Dawan Dkhar da e u yei ktien kyntu kyrsu yaki nongsikai wow sikai ki yaki wa puræ ha katai ka skur yow yoh mynsien ki khnang wa ki wa puræ na kani ka skur yow man ki ki khloor ki wow tyrchaiñ mynried man kawi.

Ka kong K. Kyndiah kawa man ka wi na ki khot yong ka  Governing Body Dulong Evening School da ong ko, “Kani ka sngi wai ya kani ka skur miet toh ka sngi wow kynmoo neibhah ka 29 tarik u Thohlakhmi toh ka tarik wa yoh du chisien 4 snem donhi. Ong haroh ko wa i wai ya kani ka skur toh deiwa yoo jngai ka Dorbar Chnong Dulong hajrong i emkaam u em ka skur miet khnang wa ki khynnah wym yohlad u lai skur dei sngi u yoh bynta lang ki hei puræ puthi neibhah i puræ puthi toh iwa kordor i wym wiar de chisien wa da yoh, lada man pathan ki bru wa ye u leh iwon iwon neibynta ka Ri. I stad ye i leh u wanrah yei naam i burom i wow neh pateiñ la pateiñ, deiwa e nuksa ko yow myllung So So Tham uwa man uwi naki nongthoh sur rwai (poetry) Khasi wa pawnaam.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U kongsan u ma S.K. Lato hei klam yong oo da ong u wa nyngkong dooh ki bei ki pa kwah ki yaki khon u chait u khiah, neitæ u man ki kiwa emsalon, tipbru tipblai, kiwa kreh chitom yow ku i manbru.

Da kyntu haroh u yaki wa puræ deiwa ong, “Hawa wan cha skur toh u man kiwa em yaka thong dei wow kut yumut hei puræ puthi hanla lada wan phi naki yung wa dooh leh ham dooh mynsien.”

Da pynkut yei wai pynem warom ya kani ka skur dei kyntien e khublei na ka kong B.Passah, Secretary Dulong Evening School.