Da wai ya ka Fili Restaurant ha Khliehriat West

Ynne ka sngi da wai ya kawi ka Restaurant thymme kawa em ha Khliehriat West, East Jaiñtia Hills kawa pyrtuid ka “Fili Restaurant” wei kani ka dukan toh ka yong u Kyrshan Blah uwa man leh u President ka MPUF-East Jaiñtia.

Neiliang u Kyrshan Blah da ong u wa i wai ya kani ka dukan toh wa emkaam bha neibhah kani ka Restaurant man ko kawa jem dor wei ki baam wa ki umsoh leh man ki kiwa bang tam.

U Kyrshan Blah da kyrpaad u leh ya waroh ki paidbah ka District wow wan cha kani ka Restaurant wei kamjooh ya kitu ki bru wa kreh sorkar wow phah Order baam ki neini neibhah ym em kheiñ ya ka bai li booh namo ka Delivery wei emkaam donhi wow e yei thaw namo i Address wa pura khang wow suk kiwa lai li e baam.

Chooh chooh da ong iwa pynman ya oo wow wai ya kani ka Restaurant toh neidaw wym toh u chaniah i du ha ki kreh sorkar tangwa emkaam wow pyrchang wow sdang ya i kreh yong idæ wei wow man kiwa yaichah.