Da wai ya ka Guest House ki Karbi ha Shillong

U Montri Rangbah ka Assam, u Himanta B Sarma deiwa emlang u Montri Rangbah ka Meghalaya, u Conrad K Sangma wa u Chief Executive Member (CEM) ka Karbi Anglong Autonomous Council, u Tuliram Ronghang ynne da wai ki ya ka Karbi Hemtun (Guest House) wei da booh ki leh ya u mooyurim yow chna ya ka 100-Bedded Students’ Hostel cum Commercial Building ha Shillong.

Neiliang u Conrad da e khublei u ya ki jaitbru ka Karbi Anglong yeiwa da ye ki u wai ya kani ka Karbi Hemtun wei i sdang kreh ya kani ka 100-Bedded Students’ Hostel deiwa ong wa ini man ko leh kam chibynta wow pynyatoh lok hapyrdi ka Meghalaya waka Assam.

Da chim u leh ya ka kabu wow klam chaphang i pynbait pood hapyrdi ki ar jylla deiwa em i suk i saaiñ. 

Da yooluti u leh wa i em boon ki jaitbru ha ka thaaiñ North East u wanrah ko yei yatylli wei yei emkaam leh wow ya sñiawthooh uwi ya uwi kamjooh yow ya burom kylliang ya ka riti dustur.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Da yaroh u leh ya u Himanta wa pyntikna u wa waroh ki jaitbru ka jylla Assam yoh ki yei kyrchaan katkam i hok ki deiwa ong wa ini pynyoo ko yei mynsien u wow kdup lang ya waroh yow wanrah yei roi i paar.

Neiliang u Himanta da ong u wa kani ka sngi toh ka wow sah kynmoo neibynta ki ar jylla wei da pynsñiaw u leh yei sñiawngooh ya ka Anglong Autonomous Council wa da ye ko wow booh ya kani ka Karbi Hemtun kawa man ka Guest House yow sah kiwa na Karbi Anglong manda wan ki cha Shillong.

Da e khublei u leh ya u Conrad yei pdiang sñiawbha u deiwa ong wa ini pynyoo ko yei mynsien ya krehlang hapyrdi ki ar jylla.