U chrot pynche bordiñ namo ka High Mast Light da wai ha ka chnong Wapungskur haka 28-01-22 da u Kyrmen Shylla, MLA ka thaaiñ uwa man leh kam u Montri sorkar uwa da wan leh kam u kongsan deiwa emlang u Deputy Commissioner ka East Jaiñtia Hills District u Abhilash Baranwal wa u Lasky Rymbai, Deputy CEM JHADC deilang wa u Waheh Chnong, Secretary Chnong wa kiwa kitkaam ka chnong Wapungskur deiwa sakhi lang kiwa chong chnong.
Ya katai ka High Mast Light da yoh deiwa lai luti ka chnong wow paan yarap naka yung krehkaam u DC ka East Jaiñtia Hills District ryngkat i yarap u MLA.
I em uni u chrot wow pynche pynthaba ha ka chnong da man ko i kyrkhu wa khroo neibhah wa da yoh yei che i chynna ha waroh kawi ka chnong.
Kamtæ kam ka Dorbar Chnong Wapungskur da pynsñiaw ko yei sñiawngooh wei e khublei ya u Kyrmen Shylla wa yaka yung krehkaam u Deputy commissioner ka East Jaintia Hills wa ki waheh waroh kiwa emkti wow pynmankaam ya katai ka kaam.
Ka kyrwoh na u D. Rymbai, Secretary Chnong Wapungskur.
