Hei step ka 2 tarik uni u bnai, da wai ya ka Hostel thymme neibynta ki chynrang wa pyrtuid ka “Yadalada – The Boyz Home”, kawa em ha luti wow poi cha Jowai Circuit House (neiliang tidiang). Ya kani ka Hostel da mantre da u Nikerda Laloo Lato, u khynroo wa dadep puræ Law na Guwahati University nadooh ki snem nachwa.
Hachwa wow wai, da pynman ya ka yalang ngoohblai wa da ya emlang chiboon ki lok ki jor najan najngai, kiwa ha-yung ha-sem u tre Hostel wa kiwi. Hawa kylli ya u Nikerda yei thmu wa ileh kwah u wow sdang da ka Hostel chynrang? Da yoh jubab wa u pa yong oo em u ka Hostel kynthai ha Mynthong hajan MDC Hostel kawa pyrtuid Riquo’s-The 12 Pillars. Wei heipor wa wan lithooh Hostel ki bei ki pa yong ki khynnah, chiboon kiwa kwah haroh wow booh Hostel ya ki khon chynrang yong ki. Ini hi pyn pyrkhat ko ya oo wow wai da ka Hostel neibynta ki chynrang kam chibynta wow yarap ya ki chynrang leh.
Da ong haroh u wa u sdang u chim Admission ya kiwa kwah u wansah nadooh ka sngi wa wai deiwa khlem chim bai Admission (Free Admission Fee), khlem chim næ booh ka Security (No Security Deposit) heijooh i por chibnai u sah mynkna (One Month – Free Hostel’s Rent) ya kiwa smat u wan chim Admission hadooh ka 17 tarik donhi uni u bnai. Kiwa hadien neitæ daw hap ki u su waroh kitai kiwa emkaam.
Ong u wa chiboon kiwa kwah u kre kam ki Cook, tangwa kattæ leh dang yang u yow jied yeiyi u e. Ladang em kiwa kwah leh, dang chah u phone ki, ha u Number-9089174555.
Da e khublei u ya ka chnong Loomsooyung New Hill, Jowai kawa da chah ya oo wow wai ya kani ka Hostel chynrang hapoh u pood u ang yong ka. E khublei haroh u ya waroh kiwa ya emlang ha kani ka yalang yow wai emburom ya ka Hostel deiwa ong wa u Blai u e u yei kyrkhu ya waroh kiwa ya emlang.
Da khut smat u wow yachim Admission ya kiwa kwah u sah Hostel kat dang yoh kani ka laad mynkna (Free) kawa man kawi ka laad wow yarap ya kiwa pusai.
Kiwa emkaam Hostel chynrang yei ki wow Phone ha kini ki Number: 8473042474/9089174555.
Discussion about this post