Ka 7 tarik uni u bnai man ko kawa sahkynmoo ya ka Elaka Nongjngi heiwa u C. Ymbon, MLA wa u E. Teron, MDC ka JHADC da wan wai ki ya ka Khnap Thangbru (Crematorium) yong ka Seiñraij Ionglwit Nongjngi, West Jaiñtia Hills District.
Ha kani ka sngi da emlang u Dolloi ka Elaka Nongjngi, u C. Daw, u Pator, u waheh chnong ka Lumstong, u waheh chnong ka Ionglwit, u waheh chnong ka Lumtrep ki waheh yong ka Seiñraij Ionglwit wa kiwi kiwi.
Ya ka yalang da pynlai da u Moonlight Daw, President ka Seiñraij Nongjngi heiwa da yoh yei klam pdiang burom na ka manbei ka Yolinda Hadia, i klam na ka Chairoylin Khynriam, ka manbei na ka Seinraij Ionglwit, na u Secretary yong ka Seiñraij Ionglwit u Precioustone Rumut wa kiwi kiwi.
Ya kani ka Kambel Shullai Eco-Friendly Crematorium næ ka Khnap Thang Bru da chna hei lut wa kamwa T. 34 lak tam.
Neiliang, u kongsan u C. Ymbon da pynsñiaw u yei mynsien wa kmen wow emlang hei wow wai ya kani ka khnap. Heijooh i por da ong u wa emkaam u sumaar bha khnang ki khon ka Seiñraij hapoh ka thaaiñ u yoh i myntoi wow pynsuk ya ki khamtam haka kaam yap wow lait ki na u slap ka la’ær wei nei lut ki dieñ ki praw.
Ha kani ka sngi da yoh yei chaad pdiang burom na ki khynroo khyllood yong ka Seiñraij.
Kani leh man ko ka Khnap Thanbru wa nyngkong dooh hapoh ka Elaka Nongjngi.
