Ka Montri ka chnat i chait i khiah, ka Dr. M Ampareen Lyngdoh ynne ka sngi da wai ko ya ka Lawbah Primary Health Centre (PHC) deiwa emlang u MLA ka Mawsynram, u Ollan Singh Suin, ka DC ka East Khasi Hills, ka R M Kurbah wa kiwi de ki sahep ka chnat i chait i khiah ha ka yalang wa da pynman ha pchem ka PHC ha Lawbah, East Khasi Hills District.
Ka Ampareen hawa e yei klam da ong ko wa ka sorkar booh ko hakhmat dooh yow pynbiang yei sumaar sukhær cha ki paidbah kani ka thaaiñ wei kani ka PHC man ko kam ka sabut yeini ym du ha ki thaw wa em cha sor tangwa kamjooh kiwa em cha palatsor.
Da e khublei ko leh ya waroh kiwa da emkti wow pynmankaam ya ini iwa da angnood ki paidbah ka Lawbah wa ki chnong wa em chajan, kamtæ kyntu ko ya kiwa chong chnong wow kreh chitom ki wei wow ya krehlang yow yoh yei chakri wa bha tam kamjooh wow syndong ya kani ka thaw sumaar.
Ka Montri da kular ko leh wa ka sorkar u pynbiang ko ya ki bru wakreh, i tiar ki tar kamjooh i thaw sah ya ki wakreh kani ka PHC yow ye ko u krehkaam khlem thut. Da e khublei ko leh ya ka Special Purpose Vehicle Society wa pynkrehkaam da ka Lafarge Umiam Mining Private Ltd. (LUMPL) yow thied ya ki tiar wa emkaam yow pynemkaam ha kani ka PHC.
Kani ka PHC da chna hei lut wa T. 4.19 klur.
