Shillong: Ka Mawtongtin Water Plus Project ha Jakrem, South West Khasi Hills District da wai ya ka ynnin ka 30 tarik da ka R. Lyngdoh, Deputy Commissioner & Chairman Basin Development Unit (BDU), South West Khasi Hills District.
Kani ka program da pynman ha ka yung krehkaam Divisional Soil & Water Conservation, Mawkyrwat Division hei krehkaam chirup wa ka Basin Development Unit, South West Khasi Hills District.
Kam ka kongsan ha kani ka sngi ka Lyngdoh da e yaroh ko ya ki tnat wada krehkaam ki chirup (convergence project) kawa man leh kawa nyngkong ha ka jylla heiwa u yoh myntoi ki 40 tylli ki manyung.
Da kyntu ko leh ya ki paidbah wow em i bahkhlieh wow sumaar wei wow pynneh ya kani ka project na kawa daw yoh myntoi ki.
U R.R.B.R. Thabah, u Director (NRM), Meghalaya Basin Development Authority, Shillong da ong u wa kani man ko ka sngi wow sahkynmoo ya ka South West Khasi Hills District. Da pyntip u wa ka Mawtongtin Multiple Water Users Model u myntoi boon ki chnong hapoh ka South West Khasi Hills.
U O.T. Lyngwa, Divisional Soil & Water Conservation Officer, Mawkyrwat Division, South West Khasi Hills District da e batai u chaphang kani ka kaam.
Ha kani ka yalang da em leh ka D. Kharshiing, EAC & Nodal Officer, B.D.U, Mawkyrwat, ka B. Syiem, Divisional Soil & Water Conservation Officer, Nongstoin, u H.S. Diengdoh, ADC cum Vice Chairman, Basin Development Unit, SWKHD, Mawkyrwat, u P. Wahlang, Myntri Shnong Jakrem wa u H. Mylliemngap, Chairman, Mawtongtin Water Users Association.
Discussion about this post