Ka Nartiang Rural Haat/Market Complex kawa em ha yaaw Nartiang hi, da wai ya ka ynne ka sngi da u Dolloi ka Elaka Nartiang, u Salong Lamare ha ka yalang wa phooh wa phieñ wei ynne leh da man ko ka sngi yaaw ha Nartiang.
Ya kani ka yung wow pynman yaaw da chna deiwa ya krehlang wei deiwa kyrchaan ka National Bank for Agriculture waka Rural Development (NABARD) hapoh ka Off Farm Development Funding.
Yei kreh da pynkreh da ka Meghalaya State Rural Livelihoods Society (MSRLS) wei da yarap poisa leh da ka Nartiang Village Organisation SHG wei da kyrchaan leh lyngba ka MNREGA (BDO, Thadlaksein) kiwa da ya krehlang won yow chna ya ka sarok cha kani ka yaaw deilang waka luti lai kjat.
Da ya emlang ha kani ka sngi wa u G.N. Kharlukhi deilang wa u Lalrokunga Chhakchhuak, Assistant General Manager(s), NABARD, u Dr. B.Plain, SMM ka MSRLS, u Secretary ka Seiñ Raij Nartiang, ki dkhot ka Village Organisation, ki dkhot SHG wa kiwi de kiwa emkti.
Ya kani ka yaaw da e kti cha ka chnong deiwa emlang ki ksohkaam chnong heiwa da kyntu ya ki wow sumaar ki ya kani ka thaw kawa daw e myntoi ya ki SHG, ki khyntai, ki warep, kiwa chna tiar wa yaka chnong hi waroh kawi.
Discussion about this post