Jowai: U Deputy Commissioner ka West Jaiñtia Hills District u Garod LSN Dykes ynne ka sngi da wai u ya kawi ka chnat krehkaam yong kawi ka Bank ha Jowai kawa tip kam ka North East Small Finance Bank kawa man kawi naki chnat krehkaam wa em yaka thong wa kongsan wow yarap ya kiwa dooh wa duk kawa krehkaam wow pynheh yei khih i khan yong ki.
Kani ka Bank ha Jowai da wai ya ka ha Ladthadlaboh wei hawa yaklam wa u Branch Manager u Soomeyoo Sayoo, SNS da pyntip u wa kani ka Bank man ko kawa nyngkong hapoh ka thaaiñ mihsngi kawa em ha waroh ki phra tylli ki jylla ka thaaiñ wei i thong wa kongsan dooh yong ka toh wow yarap e ram wow seiñ ya ki khih wa khian (Small Bussiness) wei wow e laad ya ki leh u pynheh pynsan ya ka khih ka khan wa da sdang ki bru samen.
Ha i jooh i por u Sayoo da pyntip u leh wa ya kiwa da dep seiñ khih kiwa da heh ka kamai leh ye u e yarap ya ki.
Da pyntip u leh kani ka Bank ym toh kawa krehkaam du wow e ram, tangwa ye ki paidbah leh u wai ya ki Saving Account, Current Account wa ki Fixed Deposit.
Heiyatoh waka Fix Deposit u Sayoo da pyntip u wa lada wyrchaw wa kiwi ki Bank, kani ka Bank man ko na kiwi ki Bank wa e sut hadooh kamwa 8.5%.
Neliang u DC hawa e yei klam yong oo da kyntu u wa kamwa da wan kani ma Bank cheini ha kam kini ki por wa duna khih emkaam wow e laad nyngkong ya ki khynroo khyllood ka thaaiñ yong i wow kreh hapoh kani ka Bank.
Discussion about this post