Ka Ummulong Presbyterian College ha ka 19 tarik uni u bnai da wai ko ya ka Red Ribbon Club hapoh ka College wei ya ka yalang da pynman ha Youth Centre yong ka Balang Presbyterian Ummulong heipor 10:30 i step.
Ha kani ka yalang da emlang wa ki bru chemphang yong ka Meghalaya Aids Control Society (MACS), Shillong wa kynthup ya ka M.R. Chowdhury, Deputy Director, Integrated Counselling and Testing Centre, ka L. Nongpiur, Assistant Director, Youth Meghalaya Aids Control Society (MACS), Shillong, ka N. Pakynteiñ, MACS heiwa u Principal yong ka College, u Dr. A.J. Lymba da e u yei klam wai phang.
Kini ki bru chemphang da batai ki yei emkaam wei i myntoi deiwa em ka Red Ribbon Club ha ki College.
Da batai ki leh yei thmu yong kani ka Red Ribbon Club neibynta wow tip che heiyatoh wa i kjut HIV/AIDS iwa da boon bha hapoh ka jylla wei khamtam ha East wa West Jaiñtia Hills District. Kamtæ deiwa em kani ka RRC daw e chakri ha kani ka thaw wa ha ki thaw wa marjan, wei daw man i leh i myntoi ya ki khynnah wa kiwa sikai kamjooh leh kiwi won kiwa ya embynta ha kani ka RRC wa ki kaam wa da pynman da kani ka Red Ribbon Club yong ka Ummulong Presbyterian College ha ki bynta waphær waphær.
Kam chibynta wow wai ya kani ka Club da thang yei mombati da ki bru ka MACS wa u Principal wei da pteiñ sa kiwa sikai wa ki khynnah wei katwa dang lai i thang mombati, ki khynnah da rwai ki yei rwai Carry Your Candle.
Kani ka sngi da man ko ka wow sahkynmoo neidaw wa kani ka College da sdang ko leh yei lehkmen dap 10 snem ka College kawa da seiñ ha u 2013 wei daw pynkut yei lehkmen ha ka 21 tarik uni u bnai.
Discussion about this post