Ynne ka sngi da wan wai ya ka Retaining Wall da ka Project Director ka DRDA, East Jaiñtia Hills, ka D. Suja ha ka yalang wa tbian wa pynlai da u Waheh Chnong ka Moolang u Kwen Shylla hei emlang u BDO, u Tammiyaki Shylla, u G. Pdang Gram Sevak wa kiwi kiwi.
Ha kani ka sngi da yoh i klam na u Pdianghun Dkhar uwa jooh man u Waheh Chnong warim, u Rev. S. Siangshai, u Piwell Shylla wa kiwi kiwi.
Neiliang u Dr. Tammiyaki Shylla B.D.O Khliehriat da yaroh u ya ka chnong kawa da pynkreh hok ya ka Scheme deiwa kyntu wa emkaam wow yakrehlang wa kiwi ki chnat khang wow ye u wanrah ya ki kaam pynroi hapoh ka chnong.
Kam ka kongsan ha kani ka sngi, ka D. Suja da ong ko wa ka Scheme MGNREGA da yarap ko chiboon ya ki paidbah khamtam ya ki thaaiñ palatsor, wei da e khih e kreh ko leh ya ki bru kamjooh ki kaam pynroi ha ka chnong.
Da ong ko wa ka sorkar da pynkupbor ko ha ki chnong wa VEC wow pait ya i roi i paar wei ym emkaam wow lai cha kiwa chong chuki wa ka sorkar.
Ha kani ka sngi ka chnong da pynkup burom ko ya ka Jelry Rymbai kawa da e sñiawbha cha ka chnong wow chna ya ka Retaining Wall.
