Ka sorkar Meghalaya da pteiñ ko wow wai ya ki yung krehkaam yow pynjan yei chakri cha ki paidbah heiwa ynne u Montri Rangbah ka jylla, u Conrad K Sangma da wai u ya ka C&RD Block ha Shallang, West Khasi Hills District wei da saam u leh ya ka poisa yarap deilang ki mrad wow ri hapoh ka Shallang Division.
Hawa e yei klam, u Conrad da ong u wa dei wai ya kani ka Block daw pynkupbor ko ya kiwa chong chnong wei daw yarap ko yei khih i khan, kamtæ neiliang ka sorkar da pteiñ ko wow wai ya ki Block wa thymme wei ynne da yoh wow wai ya ka Shallang C&RD Block hapoh ka West Khasi Hills District.
U Montri Rangbah da saam u leh ya ka poisa yarap wa T. 79.70 lak hapoh ka ‘FOCUS+’ wa da yoh myntoi 1,594 tylli ki manyung. Ka ‘FOCUS+’ toh neibynta wow e yarap cha ki manyung wa leh ya ki kaam wa yatoh wa i rep i riang ha kylleiñ ka Meghalaya. Kani man ko leh kam chibynta wow pynheh yei krehkaam ka ‘FOCUS’ (Farmers Collectivization for Upscaling Production and Marketing System).
Ka Focus deilang waka Focus+ daw yarap ko ya ki manyung wow yoh ki mar T. 10,000 wei ynne da pynlait leh T. 39 lak cha ki 14 tylli ki SHG.
Hapoh won ka Rural Backyard Piggery Scheme, ‘PROGRESS’, da saam 1600 tylli ki khon sñiang mar soo tylli (le tylli ki kynthai wa iwi i chynrang) cha ki 400 tylli ki manyung ki warep kiwa na West Khasi Hills District. Da saam leh ya ki syiar Kuroiler cha ki 100 ngut kiwa yoh myntoi. Ya kani ka ‘PROGRESS’ Scheme da sdang yow yarap ya kitu ki warep wa psan mrad wei da booh thong wow yarap ya 10,000 ngut ki warep kiwa khian wa nai.
Ki chnong kiwa em hapoh ka Shallang C&RD Block man ki 95 tylli kiwa kynthup ya ka chnong Riangshiang, Jynruniangbrak, Iewjynru, Dadu, Dohde Mawkohram, Mangsangdaso, Nongwar Pyndeng, Nongwardro, Langumshing A, Langumshing B, Riangba, Mawkhap, Jynra, Nongjaiaw, Snaram, Porksai, Mawlai, Langshonthiang, Iawnaw, Mawlong, Pormawlai, Umdang, Thawkhong, Pyndengmawlieh, Nongdaju, Nongdagong, Riangkhain, Shallang Sohbar, Shallang Songsak, Nongrongdu, Nongshram Wakatak, Rongkhugre A, Rongkhugre B, Shongbiang, Riangju, Songsak, Riangka, Nongshram Adeng, Dalbot Rongbeng, Swangre Daat, Damangre, Dalbot Dagar, Dalbot Dachar, Swangre Waso, Swangre Megachil, Swangre Acheng, Rongkhang, Swangre Nongrim, Swangre Hamegoan, Swangre Chengsi, Nongshram Rongbeng, Dymmut Dapo, Dymmut Daong, Chimimang, Rongjambi, Dorangre B, Dorangre A, Khemering, Wahthre, Nonghynrum, Pyndengrathaw, Awiak, Jukisil, Thodmari, Goreng A, Goreng B, Mawbon Riangna, Mawbon Chithu, Mawbon Agar, Kyllon Mathei, Langtur, Miangmawdor, Riangud, Nengchigre, Matchokkhanram, Niangju, Bokchung, Riangshi A, Rongram, Rongthok, Shinianggri, Agitchak, Riangdim, Tarajak, Wakpangram A, Wakpangram B, Khalu B, Khalu A, Nirang, Langmar, Sohmyntang, Mawshut, Waitwiang, Riangmaw wa Riangna.
