Jowai: U Marki Mulieh, MDC ka Jowai North ynnin ka sngi da wai paidbah u ya ka wi ka skur ha ka chnong Sohmynting, West Jaiñtia Hills District, wa da seiñ da u Kmenlang Ryngkhlem hajrong ka nongrim wa kwah u pynku yei stat i tip hapoh ka chnong ym du ya ki khynnah kamjooh leh ya kiwa da man bei man pa.
Ya kani ka skur da tip kam ka “Living Star School”, kani ka skur da em ko ha ki le bynta. Heipor step u pynman ya ki class A Khian hadooh Class 4. Hei janmiet won nadooh ka Class 5 hadooh Class 7 wei daw em leh ka Class Open to All heiwa kiwon kiwon kiwa kwah u puræ ha kawon kawon ka Class ye ki u wan.
U Marki Mulieh hei klam yong oo da yaroh u ya u tre ka skur neibhah ha kini ki sngi i stat toh iwa kordor dooh na waroh bar ya ka spah wei klem i stat lada lai cheiwon cheiwon leh ha waroh ki liang lada ym em i stat ym poi cheiwon cheiwon leh.
Da ong u leh hawa sdang ya ka skur daw chem ya kiwa boon ki chitom wei emkaam u em raikut yumut wei u man kiwa yai chah yow poi cha ka thong hadooh wow tipmit ka sorkar.
Da kyntu u leh ya kiwa sikai yow e lut ki ya i stat cha ki khynnah yow man i stat i tip yong ki iwa paka.
U W. Lyngngi uwi na kiwa chong chnong da ong u wa boonsien hi i che wa mih na ka charak wa khian dooh wanrah ko ya i thaba wa heh dooh wei ini man i thij kam ini i skur wei da kyntu u leh ya kiwa sikai ki wow kit ya ka lyngkor wa khia u man kiwa kreh chitom yow yoh ki khynnah ya i stat wa paka.
Kiwi de kiwa klam leh da e khublei ki ya u K. Ryngkhlem wa em u ya i mynsien wow kyntu ya i puræ puthi hapoh ka chnong. Kamjooh leh da kyntu ki ya ki bei ki pa wa lada chem ki iwon iwon i duna ka skur toh u yaklam che ki wa kiwa pyllai ka skur yow yoh u ya kyrchaan lang uwi ya uwi neibynta i myntoi kiwa puræ.
Discussion about this post