Ka Mission for Vision (MFV) deiwa ya krehlang wa ka Savitri Waney Charitable Foundation, Bansara Eye Care Centre (BECC) waka Society for Promotion of Eye Care & Sight (SPECS) da wai thymme ki ya ka Vision Centre ha Smit, East Khasi Hills District of Meghalaya, ynne ka sngi yow yoh yarap kitu kiwa em chitom hei khmat.
Ha ka yalang wow wai ya kani ka thaw sumaar khmat da emlang u Marbatstar Kharbyngar, Waheh Chnong ka Smit kam u kongsan deilang wa ki wakreh ka Bansara Eye Care Centre kiwa daw em ha kani ka Smit Vision Centre. Ha kani ka sngi da mihkhmat ya ka Bansara Eye Care Centre, da ka Dr. Jennifer Basaiawmoit (Medical Director), u Aaron Basaiawmoit (Chief Executive Officer) wa ka Roshna Gajmer Basaiawmoit (Head of Projects and General Administration) kiwa da chimbynta lyngba ka Internet deilang wa kiwa mihkhmat ka Mission for Vision (MFV) wa na ka Savitri Waney Charitable Foundation.
Neiliang ka Dr. Jennifer Basaiawmoit da ong ko wa i pynyoh yei thaw sumaar ya ki khmat ha ki thaw wa em jngai na sor toh iwa emkaam bha. Kamtæ da e khublei ko ya waroh kiwa da ya krehlang yow ye u wai ya kani ka Vision Centre ha Smit.
Neiliang u Marbatstar Kharbyngar hawa wai ya kani ka Vision Centre, da pynsñiaw u yei sñiawngooh ya waroh ki bru wa ki seiñ kiwa da yarap wow sdang ya kani ka thaw sumaar khmat ha Smit kawa daw yarap leh ya kiwi ki chnong wa em cha jan.
Ha kani ka sngi da em 12 ngut kiwa da wan chakhmat yow phah pait ya i khmat yong ki.
