Da wai ya ka tamasa Tri Hills Ensemble

Ka tamasa wa ar sngi kawa tip kam ka Tri Hills Ensemble da wan wai ya ka ynne ka sngi da u Montri Rangbah ka jylla, u Conrad K Sangma deiwa emlang u Montri ka chnat Arts & Culture, u Shanbor Shullai, u Commissioner ka Arts & Culture, u Frederick Roy Kharkongor wa u Director ka Arts & Culture, u S K Marak.

U Conrad hawa e yei klam da ong u wa uni u snem toh uwa sahkynmoo ya ka ri India kawa lehkmen yei dap 75 snem i yoh laitlooid ka ri wa kamjooh i dap 50 snem i yoh ya ka jylla Meghalaya. Kamtæ da toh i por wow pynman ya kani ka tamasa wow pynyoo ya ka dustur riti wei wow lehkmen ya kini ki ar tylli ki moomær yow pynkynmoo ya i waroh iwa da ye i wow leh wei ya iwa em i.

Da ong u leh wa emkaam khamtam ya ki khynroo khyllood yong i wow chah sikai ki chaphang ki tre ki thied yong ki.

“U ye yarap poisa i cha ki 6 tylli ki chnong yow ye ki u pteiñ yei kaam wa bha yong ki wei u leh yeini chisien chi snem yow pynchlur ya kini ki chnong,” da ong u Conrad.  

Related posts

Saam ka Ladthadlaboh ya ki Prize ka Lucky Draw wa kynthup ya ka kari wa 2 Tola i ksiar

November 14, 2024

Khut sñiawbha ka Marianhill Higher Secondary School cha ka Fete kawa ar sngi

November 13, 2024

U Montri Rangbah da saam u ya ka khusnaam kawa tip kam ka Award of Recognition for Development of Arts and Crafts cha ki 6 tylli ki chnong kitæ ka Mawryngkhang, East Khasi Hills kam ka thaw wa chna ya ki tiar tem tynre (Traditional Music Instruments), ka chnong Larnai, West Jaiñtia Hills kam ka thaw chna ya ki khcu khyndaw (Black Clay Pottery), ka chnong Pahambir, Ri-Bhoi District, kam ka chnong ki parom tynre (The Abode of Folklore), ka chnong Tangmang, East Khasi Hills kam ka chnong thaaiñ chken (The Shken Weavers Habitat), ka chnong Mairang, Eastern-West Khasi Hills kam ka Arts District waka chnong Amindagre, West Garo Hills kam ka Living Woodcraft Museum.

Hachwa ini u Montri Rangbah da wai u leh ya ki mot dur wa chi rynyieñ yong ki le ngut ki khlawait ka jylla kitæ U Tirot Sing, U Kiang Nangbah wa u Pa Togan Nengminza ha pchem ka Soso Tham Auditorium. Da pynlait u leh ya ka kot yong kiwi ki khlawait kiwa ym em yoh yei tipmit.

Ha kani ka tamasa da em leh ki dukan kiwa pynyoo rong ya ka dustur riti, ki baam wa kiwi kiwi de. Da em leh ki chaad, ki rwai, ki yaleh drama wa kiwi kiwi na Ri-loom Khasi, Jaiñtia wa Garo.