Ka yung krehkaam yong ka District Mission Coordinator, SSA-SEMAM West Jaiñtia Hills District ha ka 11 tarik uni u bnai da wai ko ya ka yung kyrpang ki khynnah wa em i duna tymbuiñ hei man rynyien ryniot (Children With Special Need) næ ka Inclusive Education Resource Centre kawa da chna ha Lumshyrmit, Mihmyntdu dei yarap poisa na ka North East Transmission Company Ltd, Delhi.
Ha ka yalang wai pynemburom ya kani ka Inclusive Education Resource Centre da wan sakhilang leh da u Garod LSN Dykes, Deputy Commissioner, West Jaiñtia Hills kam u kongsan hei emlang u Ritesh Kumar, Head of Department (Human Resource and Administration) NETCL, Delhi, u N. Ramesh K. Singh, NETCL, Delhi ki khynnah wa kiwi kiwa chah khut sñiawbha.
U L.K. Singh, District Coordinator IE, SSA West Jaiñtia Hills kam u chongknor yong kani ka yalang da e u ki kyntien yahkhmat neitæ won ka Dr. L.M. Darnei, DMC-SSA West Jaiñtia Hills kam ka khlieh watoh u pait ya ka SSA hapoh ka District da e ko i batai heiyatoh wa kani ka yung katwa ka C. Lyngdoh, BMC-SSA Thadlaskein hawa kut da e ko ki kyntien khublei.
Kiwi kiwa da e kyntien ha kani ka sngi toh u Garod LSN Dykes, Deputy Commissioner, West Jaiñtia Hills kam u kongsan, u Ritesh Kumar wa da mihkhmat ya ka North East Transmission Company Ltd, Delhi wa u Sambha Biam, Secretary CWSN, Mihmyntdu.
