Jowai : Kam chibynta u e i chakri ya ki khynroo khyllood hei wow man ki kiwa da pynkhreh hei yatoh wa ki exam waphær waphær wa kammon u im ki man ka sngi, ynne ka 28 tarik da wai paidbah ya ka thaw esikai yong ka Winners Mind Foundation ha i yalang wa tbian wa da pynman ha Thluwania, Newhill Jowai.
Ha kani ka sngi da wan u ma Pher Nongtdu kam u kongsan hei emlang u ma Nehemayah Tyngkan kam u Symbood Kongsan.
Ya kani ka yalang da pyllai da u ma Jimmy Kharmuti, wei da yoh leh yei klam na u ma Damanleki Lathong, u ma Terrance Sawian uwa da batai ya ka thong yong kani ka Foundation.
Kiwi kiwa da klam ha kani ka sngi toh u ma Gerry Passah, u ma Kmen Lato, u ma Sajeki Passah, wa kiwi kiwi kiwa da e yaroh ya ka Foundation kawa da sdang wow e sikai ya ki khynnah wow man ki kiwa da pynkhreh la heiwon heiwon i yakhun hei rta ki.
Ha kani ka sngi da yoh leh yei klam hei chem ki kam ki khynnah hapoh kani ka foundation kam na u ma Aiban Swer, u ma Patrick Synnah, ka kong Gennie Syiemlieh, ka kong Hun Chullet, ka kong Pynroi Bareh, wa kiwi kiwi.
U ma Pher Nongtdu hei klam yong oo da yaroh u ya kani ka Foundation, wei da kyntu u leh wow pteiñ ko u e sikai cha kiwa boon iwa man solansar yow pynku ya ka imlang sahlang wa kiwi kiwi.
Discussion about this post