Da wai ya ka thaw ri ya ki khynnah wa chah kyntait ha ki bei ki pa

Jowai: U District Medical & Health Officer West Jaintia u Dr. I.Tongper ynnin ka sngi da wai paidbah u ya ka thaw ri khynnah ka wa tip kam ka Cradle Point ha Shangpung PHC West Jaintia Hills.

Hei pynche piadbah hajrong kani ka skhim da ong wa kani ka skhim da haap ko hapoh ka Integrated Child Protection Scheme ka wa da pyllai da ka District Child Protection Unit (DCPU) Jaintia Hills, Jowai.

I thmu u booh ya kani ka thaw ri khynnah (Cradle Point) toh yow e laad ya ki khonboo wa dang kha yow yoh ki yei hok u im yow lait ki u chah noh chah beiñ cha khloo cha kjam kamwa da chem da jooh mih khubor nei cha ki por ong ka kong R.D. Kynjing District Child Protect Officer.

Deiwa em kani ka Cradle Point ye ki u yarap ya ki bei ki pa kiwa ieh ya ki khon ki kti yong ki u chah sumar haki bru para.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da ong chooh chooh wa i wai ka sorkar ya kani ka thaw ri khynnah wan i hadien wa da chem wa boon ki khonboo wa dang kha dooh ki yei mynsien neidaw wa chah noh ki ha ki bei ki pa yong ki.

Da ong leh wa ki khonboo nadooh wa kha hadooh wa dap 18 snem i rta toh u yoh ki ya ki soo tylli i hok kitæ man i hok yow im, i hok wow heh u san, i hok u yada nei chah lehbeiñ næ nei pynchitom ya ki wei wa u ioh ki u chimbynta ki ha ki wa kwah ki ha jingim ki.

Hapoh ri-loom Jaintia em le tylli ki PHC wa em ya kini ki Cradle Point, kawi ha Pdengshakap PHC, Umkiang PHC wa ha Shangpung PHC. Da pynsniawthooh leh cha ki paidbah leh wa i booh ya kani ka Cradle Point ym em mut yow pynchlur ya ki khynroo khyllood u wan booh ya ki khonboo heini, ini toh du ya kitu wa mut u ieh ne noh beiñ ya ki khon yong ki.

Ha kani ka sngi hei yatoh wa ka skim yada khynnah namo ka Integrated Child Protection Scheme (ICDS) da yoh i batai bniah na ka kong I. Rapthap, Programme Manager State Child Protection Society Shillong, hei yatoh wa i Adoption da batai da ka kong V. Malngiang, Programme Manager State Adoption Resource Agency Shillong, hajrong ka aiñ yada ya ki khynnah hapoh 14 snem u chah pynkreh ki khynnah ha ki boon ki thaw kam ki dukan, ki kharkhanan wa kiwi kiwi kawa tip kam ka Child Labour Act ban pyrkhing naka jingshah pyntrei ki khynnah ba hapoh 14 snem ka rta ne (Child Labour Act) da pynche paidbah da u ma E. Lapasam, Labour Inspector, Laskein Block.

Kiwi tawan kiwa klam ha kani ka sngi toh u DM&HO Dr.I. Tongper, u BDO Laskein Block bah L.T. Tariang , u Dr.T. Wann M&HO Shangpung PHC.