Ka Society for Promotion of Eye Care & Sight (SPECS) deiwa ya krehlang wa ka Operation Eyesight Universal (OEU) chirup wa ka Bansara Eye Care Centre (BECC) da sdang ki ya ka thaw sumaar khmat wa thymme namo ka Vision Centre ha Mairang, West Khasi Hills ha 28 tarik u Naikhynde.
Yow wai ya kani ka thaw sumaar khmat wa dang thymme, da wan leh da u waheh chnong ka Mairang, u B. Syiemiong wa u Rev. S. Warjri, u L. Kurbah (uwa dang dep chah summar nei long i khmat namo i Cataract Surgery ha Bansara Eye Care Centre) wei da emlang leh ki wakreh ka Bansara Eye Care Centre.
Da emlang leh kiwa mihkhmat ka Bansara Eye Care Centre, u Aaron Basaiawmoit (Chief Executive Officer) wa ka Roshna G. Basaiawmoit (Head of Projects & General Administration) kawa da chimbynta lyngba ka Internet.
Ka Roshna da khana ko wa kani ka Vision Centre u man ka kawa nyngkong dooh hapoh ka jylla wow ye u pait ya i chitom khmat wa tip kam i Retinal Disorder deiwa pynemkaam da ki tiar kiwa man katkam ka juk wa katni yow yoh myntoi ki paaid ka Mairang wa ki chnong wa em chajan yei sumaar khmat wa bha dooh.
Hadien wa wai ya kani ka Vision Centre kawa man kawa 10 yong ka Bansara, da pynman leh ya Free Eye Screening pyn ha kani ka Bansara Eye Care Mairang Vision Centre.
