Ka Community Toilet Complex namo ka yung wa em paikhana wa ka thawsum paidbah kawa em hajan ka Additional Secretariat, Shillong ya kawa da chna da ka M/s Sulabh International Social Service Organization hapoh ka CSR yong ka Antrix Corporation Ltd., Bangalore wa ka North Eastern Space Application Centre (NESAC) da krehlang ki wa ki bor Dirstrict heiyatoh wa kani ka kaam.
Ya i thaw wa chna ya kani ka paikhana da e da ka chnat PWD wei kani ka yung toh kawa ar mala heiwa kawi toh kawa em ya ka Indian Water Closet (IWC), katwa kawi won ka European Water Closet (EWC) chirup wa ka Shower wa ka thaw sait-kti (wash basin) ya ki kynthai, le tylli ki thaw lai jung ya ki chynrang ha ka mala wa ha tre (Ground Floor), ar tyli ki thawsum wa em shower, ar tylli ki IWC, wa ar tylli ki EWC wa ka thaw sait-kti ya ki chynrang ha ka mala wa nyngkong. Wow pynemkaam ya kani ka thaw emkaam wow su deiwa pynlai ka Sulabh International ya 30 snem.
Ya kani ka yung da wan wai da ka Isawanda Laloo, Deputy Commissioner, East Khasi Hills District ynne ka sngi hei emlang u PL N Raju, Director, NESAC wa u BS Sohliya, Chief Executive Officer, Shillong Municipal Board, u Rakesh Sasi Bhusan, CMD, Antrix Corporation Ltd, Bangalore kiwa da embynta Online.
Ya ka yalang ha kani ka sngi da sdang da ki kyntien pdiang burom na u Director, NESAC yeiwa da pynbood won sa ki CMD, Antrix wa u CEO ka Shillong Municipal Board.
Ka kongsan da yaroh ko yei kreh ka Antrix, NESAC wa ka Sulabh International kiwa da chna ya kani ka yung deiwa kyntu wa emkaaam wow pynneh ya ka neibynta ki paidbah ka sor Shillong.
