Shillong: Ka Website yong ka Employees’ State Insurance Scheme da wai ya ka ynne ka sngi ha NIC Conference Hall da u Principal Secretary, Information Technology, and Communication etc. u DP Wahlang.
Hawa e i klam ha kani ka sngi u Principal Secretary, u DP Wahlang da ong u wa ka Labour Department toh ka tnat wa emkaam bha neibynta kiwa khih mylla kiwa man kiwa khian kyrdan dooh ha ka imlang sahlang.
Da ong u wa em chiboon ki khih mylla kiwa ympu tip yei myntoi wa ye ki u yoh na kani ka tnat katwa kamtæ emkaam bha wow pynche ya ki hajrong kini ki myntoi. Da ong u wa ka Employees’ State Insurance Scheme (ESIS), toh ka wow e myntoi cha kiwa khih mylla ha kiwa boon ki liang.
Ka ESIS da pynkrehkaam ya ka ha Shillong ha u snem 1980 wei da pynyaar ya ka chadooh Byrnihat ha u 2005. Kiwa yoh myntoi da ka poisa na kani ka Scheme toh heiyatoh wa i bai dawai, hawa kha khon, ka yarap hawa yap bru wa kiwi kiwi.
Ha kani ka sngi da emlang u State Informatic Officer, u T. Dkhar, Dr. H C Lyndem, Administrative Medical Officer, ESI Scheme, Meghalaya wa ka Dr. B Nongsiej, IMO, ESI Dispensary Shillong.
Ka Website yong kani ka Scheme toh ka megesis.nic.in
Discussion about this post