Ynnin ka sngi, u Yoshida Nongspung uwa man u waheh chnong ka Khanduli uwa man leh u President ka Synjuk Ki Waheh Chnong Mynsngat Namdong Khanduli Area da man u kam u kongsan wow wai ya ka yung krehkaam ka Namdong-B hei emlang u Damonmi Dkhar u Waheh Chnong ka Khonsaro uwa man leh u Secretary ka Synjuk kam u symbood kongsan hei emlang ki waheh chnong kam na Moobakhon, Nongmulieh, Sehlama wa Namdong- A.
Ha kani ka sngi da wan sakhi leh da u Elias Susngi uwa man u waheh ka Raij Namdong, u Icydol Pakma Secretary Raij Namdong wei ha i klam yong ki da e yaroh ki ya u Waheh Chnong wa ka Executive Committee wa da chimkhia ki wow chna ya kani ka yung krehkaam wow pynsuk ya ki paidbah deiwa kyntu leh ya ki wow pynjanai yei rukom krehkaam yong ki.
U Yoshida da ong u wa ka chnong da man ko kawa nyngkong ha ka thaaiñ ka wow em ka yung krehkaam ka Dorbar Chnong wei toh ka chnong Namdong-B kawa booh nyngkong ya ka yung krehkaam kawa man ka chnong kawa man i dur yong ka thaiñ waroh neibhah wa em ko hapyrdi ki chnong deiwa kyntu ya ka EC wa thymme wow kreh khnang wow ye u wanrah yei kylla.
Neiliang u Damonmi Dkhar da kitbok kitrwiang u ya u Waheh Chnong, u Secretary Chnong wa ki dkhot ka chnong waroh kawi wow em ki i mynsien yakrehlang khnang wow ye u wanrah yei roi i paar.
Ya ka yalang ha kani ka sngi da pynlai da u DS War.
