U Montri Rangbah ka jylla, u Conrad K Sangma deiwa emlang u Chief Justice ka Meghalaya High Court Sanjib Banerjee, u Montri ka chnat Puræ Puthi, u Rakkam Sangma waka Montri ka chnat Aiñ, ka Dr. Ampareen Lyngdoh ynne da wai ki ya ka Annex Building ka Meghalaya High Court ha Shillong.
Kani ka bynta wa thymme ka High Court toh yow pynbha chooh chooh yei krehkaam ka yung bichaar wei da chna hei lut wa T. 45 klur kawa da em leh ya ka Auditorium, ki kamra neibynta ki muktiar wa ki kamra kehkaam.
U Conrad hawa e yei klam da ong u wa ka yung bichaar kawa biang yeiwa emkaam ko daw ye ko leh wow e yei chakri wa bha yow pynyoh yei hok.
Chooh chooh da ong u wa ka sorkar kreh ko wow pynbiang ya ki yung skur sorkar nadooh ki LP wa UP School kamjooh ki thaw puræ wa heh kyrdan deiwa pynrap wa da kreh yow pynchna palat 2500 tylli ki LP wa UP School ha kini ki snem wei em leh kiwa da sdang.
U Chief Justice da ong u wa kani ka yung thymme man ko ka luti wa bha yow pynmiat yei krehkaam ka yung bichaar deiwa ban joor hadooh katwon emkaam wow biang ka thaw kreh ya ki kam kiwa bichaar, ki muktiar wa kiwa wan yaleh mukotduma yow ye u pyndep yei kaam deiwa biang.
