Da wai ya ka yung skur ka Niamtre Shangpung

Jowai: Ynnin ka sngi da man ko ka sngi ka wow sah kynmoo ya ka skur Niamtre Upper Primary School Khliehmushut & Moolibang Shangpung, heiwa ya ka yungskur wa dang pteiñ biang (Additional Building) wada yoh yarap na ka JHADC da wai emburom ya ka da u MDC kani ka thaaiñ u KM Lytan hei ya emlang ki dkhot ka SMC chirup deilang wa kiwa sikai kani ka skur.

Hawa e yei klam ha kani ka sngi, u MDC da yaroh bha u yei lai luti kani ka skur wa dang dap du 15 snem i rata wei i boon ki khynnah dang ku na uwi u snem cha uwi u snem, man ko leh i kreh chitom yong kiwa sikai kiwa da yoh tulop du T. 3500 chibnai.

Ha kani ka sngi da emlang leh u T.S. Phyllei, Principal ka Lummuroo Secondary School Shangpung chirup u Heingeitmon Suchiang Chairman ka Dorbar Chnong Shangpung Pohshnong, wei da pynchongchit ya kani ka sngi da ki chaad tynre na ki khynnah kani ka skur.