U Prime Minister Narendra Modi ynne da wai u ya ka 600 MW Kameng Hydro Power Station deiwa e ya ka neibynta ka ri wei kani da man ko leh kawa heh dooh ka Hydro Power Project wa da pynkrehkaam da ka NEEPCO Ltd., kawa man ka Company sorkar (PSU) hapoh ka Ministry of Power.
Kani da man ko leh ka Hydro Power Plant wa ynru hapoh ka North East kam chibynta ka Nationally Determined Contribution (NDC) ka sorkar India kawa da soi kam chibynta ka Paris Agreement 2015. Kani leh man ko kam chibynta wow poi cha 30000 MW i pynmih bordiñ ha u 2030.
Kani ka Hydro Project wa em ha West Kameng District ka Arunachal Pradesh da chim ko yei thaw wa jrong 80 Km yow booh u pyndait ya kiwa boon wa emkaam wei da chna hei lut wa T. 8200 klur.
Kani ka Plant em ko ar tylli ki Dam wa kawi ka Powerhouse wa em 4 tylli ki Unit kiwa 150 MW yow pynmih 3353 Million Unit i bordiñ wei da ini daw pynman ya ka Arunachal wow man ko kawa pahooh hei bordiñ.
